AKUTAGAWA

Эмэгтэй, эрэгтэй хүмс их өөр байхымаа. Саяхан нэг компанийн гүйцэтгэх захиралтай уулзлаа. Ажил хэргээр уулзаж байгаам л даа. Тэгсэн би тэр хүнд хүний нууцыг хадгалж чадахаар, найдвартай хүн шиг санагдсын болтой. Уг нь бид хоёр бухимдал биш, ажил ярих ёстой байсын. /би ч хүний юмыг өрөөл бусдад яриад явдаггүй л дээ, ялангуяа хүн муулах үнэн дургүй/ Тэгсэн мань хүүхэн толгой компанийхаа хурган дарга /өөртэй нь шууд харьцдаг/-тайгаа учраа олохгүй байгаа талаар, өөрийг нь хүндэтгэж үзэхгүй, хэн ч биш гэсэн байдалтайгаар харьцдаг талаар ярьж гарлаа. Би тэр хурган даргыг нь таньдаг мэддэг болохоор мэдээж сонирхол татахаар сэдэв л дээ. Тиймээс сонсоо л байлаа. Хааяа нэг аан уун гэчээ л. Тэгсэн чамайг их найдвартай хүн гэж бодоод илэн далангүй ярьж байна шүү гэлээ. Би ч "Санаа зоволтгүй ээ Би хүний юмыг энд тэнд яриад явдаггүй хүн" гэлээ. Тэгсэн ярьж ярьж байснаа юу юугүй уйлахнээ. Аргагүй хэцүү л байдалтай байгаа нь илт ээ. Нүднийх нь аяганд нулимс дүүрээ л ирлээ. Чадалтай кадр ч үнэхээр хэцүү байгаам байна. "Сүүлийн үед энэ асуудлаас болоод би маш их стресст орсон" гэж байна. Тийм байна аа. Тиймээс сонсоо л байлаа. Энүүхэндээ гэхэд сэтгүүлч хүний хамгийн түрүүнд тавигддаг чанар бол Хүнийг сонсож сурах гэдэг үг үнэхээр үнэн. Энэ үгийг манай ярилцлагын хатан хаан Б.Ганчимэг эгч маань хэлсэн. Тиймээс надад ийм нэг чанар байдаг юм. Түүнээс гадна эмэгтэй хүнийг сонсоход л болчихдог юм биш үү? Өөрсдөө ярьсаар байгаад тайвширдаг. Сэтгэлээ онгойтол ярьсны дараа санаа нь амардаг. Ингээд бид хоёрын уулзалт дууслаа. Гар бариад гарахын өмнө би "За тэгээд тэвчээртэй л байгаарай. Удахгүй учир зүй нь олдоод бүх юм сайхан болох байх аа. Жаахан ч гэсэн тайвширч чадав уу?" гэхэд нулимс нь хатаж амжаагүй нүдээрээ инээмсэглээд "Харин тэглээ. Сайхан болчлоо" гээд саллаа. Учирсан дороо үгээ хэлдэг ...... Б.Явуухулангийн ийм шүлэг байдаг ч төгсгөлийг нь мартжээ. Учирангуутаа үгээ хэлдэг нь эмэгтэйчүүд. Эрчүүд бол дотроо шатаад, архи уух юм уу хяналтаа алдсан үедээ үүнийгээ ил гаргадаг. Дээхэн ажил дээрээ шөнө орой болсон хойно сууж байтал сонинд ажилладаг жаахан охин мессенжерээр ороод ирлээ. Мэдээж харихгүй юугаа хийж байгаан нтр гээд. Тэгж байснаа "Би найз залуугаа ойлгохоо байлаа" гээд яриад эхэллээ. Мэдээж сонсоо л байлаа. Гэрлэх санал тавихгүй байгаа талаар гомдоллоо л, хариуг нь олохгүй байгаа талаар түмэн хувилбар дэвшүүлж байна аа. Зангираад хуралдаад, хэзээ хэзээгүй тэсрэхэд бэлэн болсон асуудал байна л даа, өөрийн нь хувьд. Тиймээс анхааралтай сонсоо л, хааяа нэг тайлбар хийгээ л суулаа. Төгсгөлд нь "Эрэгтэй хүн гэр бүлийн амьдрал зохион талаар жаахан айдастай явдаг юмаа бла бла. Бэлэн болохоороо чамд хэлнэ. Жаахан хүлээ" гэж хэллээ. Баярлаа л алга болж өгсөн. Хааяа нэг таарахаараа нүд дүүрэн инээгээ л уулздаг болсон, үүнээс хойш. Өнөөдөр нэг эгчтэйгээ мессенжердлээ. Бас л даргатайгаа учраа олохоо больжээ. Ажилдаа сэтгэл гаргахгүй байна, гар нийлж ажилладаг хүн чиний оронд баймаар байна гэж улайм цайм хэлжээ. Мань эгч ч савыг нь хоосон буцаасангүй, орны хүнээ аваад ирүүл ажлаа өгөхөд бэлэн байна аа гээд гэдийчихэж. Мэдээж энэ бол товч агуулга нь. Үүнийгээ маш олон үгээр тайлбарлалаа. Би ч нэлээд аргадлаа. Та газардахгүй ээ нтр гэж урам өглөө. Чи ийм сайхан сэтгэлтэй гээд намайг бас хариу магтлаа бла бла. Нэлээд цаг зарлаа. Сонслоо. Мэдээж сэтгэл санаа нь их сайхан боллоо гээд гарлаа. Эмэгтэй хүнийг сонсоход хангалттай гэж үү? Тийм бас үгүй байх. Гэхдээ сайн сонсох нь тэднийг тайвшруулдаг гэдэгтэй санал нэгдэх байх. Би эмэгтэй хүн байсан бол яах байсан бол? Бухимдлаа хэрхэн тайлах бол? гэж бодлоо. Бодоод байсан гаргалгаа бол алга. Учирангуутаа үгээ хэлээд нулимс унагаад, сэтгэлээ онгойтол ярьж тайтгарах байсан байх. Өөр яав л гэж дээ тийм үү? гүү юу?