AKUTAGAWA

Өнгөрсөн баасан гаригийн билэгт сайн өдөр бидний хэдэн блогчид жаал хөөс сорцгоолоо. Өмнө нь "Улисс" дээр уулзаж байсан нөхөд л дөө.

Хувьцааны ноогдол ашгаас нэлээд их ашиг унагадаг Кафка, Зэрэг дэв диплом мипломоор хүмс айлгасан Уудам, компьютер гэймээр мэргэших гэж байгаа Арима, тарчилсандаа шүлэг бичдэг Тарчлаан, тээд хамгийн царай муутай нь болох Акута тав нийлээд будвейзэр шимж, Макс группт нэлээдгүй орлого орууллаа.

Уулзалт сайхан боллоо. Нуль утга уран зохиол ярилаа. Кафка утга уран зохиолын "нууц" угшилтай хүн гэдгийг тэхэд мэдлээ. Угшил сайтай унага учир тэр талын мэдлэг, мэдээлэл нэлээдгүй аж. Уран зохиол, хувийн намтар нтр ярьсаар нүд ирмэхийн зуурт орой болжээ. 

Уулдам хүү зүүдлээд болохоо байсан тухай бичлэгийг Акута уншаад өнгөрсийн. Тэр талаар мартаж. Тэгсэн өглөө сэрсэн зүүднийх нь тайлал бэлхнээ ирж, Фройд уншсаны ач гарлаа хэмээн хэдэн шил бийрний ард гарсны дараа ихэд хөхөн баясав. "Уудам чи болбоос хүүхэд гаргахад физиологийн хувьд бэлэн болсон байна. Биологи талаасаа бэлэн болчоод хавраас хойш зүүдээр дамжуулж чамд энэ мэдээллээ өгч байгаам" байна гээ л Акута нь ээмээр нээлт хийгээд хэдэн бийрэндээ халамцаад авч өглөө ш дээ.

Герман тэргийг талх шиг зардаг Хавкс энэ уулзалтанд ирж шинэ дуугаа /өөрөө зохиосон гэж ойлгосон гүй гэсэн/ блогч нөхдөдөө сонсгоно гээд бид нүд цавчилгүй хараад эс ирэв. Гараадус өндөртэй зүйл ууж болохгүй гэх хүндэтгэх шалтгаантай байсан, тэр дайрсан буй за. 

Үргэлж уйтай байдаг Үйтэн хатагтайг санагалзан Арима утас цохиул хөдөө явж таарчээ. Өчдөр ирсэн тухайгаа коммент илгээж мэдэгдсэн байна билээ.

Нэг иймэрхүү ертөнц ертөнцөөрөө уулзлаа. Бидний хоёр дахь уулзалт болай. Тосгон тосгоноороо дахин дахин уулзахын ерөөл тавийя.